BIZKAIKO HAUR ETA GAZTEENTZAT IV. IBILARTE MARRAZKI LEHIAKETA DEITU DU IBILALDIAK

Andra Mari Ikastolak eta Bizkaiko Ikastolen Elkarteak IV. Ibilarte Marrazki Lehiaketa antolatu dute. Maiatzean, Ibilaldiak antolatu duen Ibilarte 08aren eskutik, antolatuko da lehiaketa hau.

Aurtengo Ibilarte Bilbon ospatu zen, arrakasta handia izanez.

Hainbat artista eta artelan ikusteko aukera izan dugu, gizarte guztietan bezala hainbat sentsibilitate eta aniztasun agerian utziz Euskara eta Euskal Kultura bultzatzeko helburuarekin. Erakusketaren antolatzaileek umeak eta gazteak artera hurbiltzeko aukera bikaina bezala ikusi dute lehiaketa, gaur eguneko eta etorkizuneko artistak euskaraz hezi eta hazi daitezen gura ditugulako.

Aurtengo Ibilaldiko leloa “Amore bi eta…” da eta hau izango da hain zuzen ere lehiaketaren gaia:

Gure euskal bihotzean zer gauza bi baino gehiago topa dezakegu? Ikastolako bihotzak, zer du barruan?

Ibilarterekin eta lehiaketarekin bat eginez, erakunde batzuk parte hartzeko nahia adierazi dute eta sari bezala banatuko diren produktuak antolatzaileen eskuetan utzi dituzte (kiroletako produktuak, jolasak…)

LEHIAKETAREN BALDINTZAK

• Marrazkien gaia “Amore bi eta…” izango da. Ikastolako bihotzak, zer du barruan?
• Bi maila egongo dira:
  • 1. maila. 12 urtera bitarteko haurrentzat.
  • 2. maila. 13tik 16 urtera bitarteko gazteentzat.
• Marrazkia DIN A4 formatuan aurkeztuko da.
• Partehartzaileek marrazkiaren atzealdean izen abizenak, adina, helbidea, ikastola eta telefonoa adierazi beharko dituzte.
• Marrazkiak helbide honetara bidali beharko dira: Bizkaiko Ikastolen Elkartea

IV. Ibilarte Lehiaketa
Aoiz Plaza, 1
48015 Bilbo

• Lanak aurkezteko azken eguna apirilaren 10a izango da, osteguna.
• Ebaluaketa batzordea lehiaketaren antolatzaileen ordezkari batek, laguntzaileen ordezkari batek, ikastolako aditu batek eta Ibilarten parte hartuko duen artista batek osatuko dute. Batzordeak aurkeztutako lanak aztertu eta orijinalenak aukeratuko ditu.
• Maiatzean, Ibilarte 08 Marrazki Lehiaketaren sari banaketa egingo da eta bertan erakunde laguntzaileek emandako produktuak irabazleei banatuko zaizkie.
• Lehiaketara aurkeztutako lanak antolatzaileen esku geratuko dira, eta lan horiek zabaldu edo banatzeko baimena izango dute, baita egokiro deritzon komunikazio publikoko sistemaren bidez eta egoki deritzon helburuarekin lanak ezagutarazteko baimena ere.
• Abenduaren 13ko 15/1999 lege organikoak, Datu Pertsonalak Babestekoak, ezarritakoari jarraiki, IV. Ibilarte Marrazki Lehiaketara aurkezten diren partehartzaileen datuak fitxategi automatizatu batean gordeko dira. Datuak eskuratzeko, zuzentzeko, deuseztatzeko eta fitxategian agertzearen aurka egiteko eskubidea gauzatu nahi izanez gero, antolatzaileekin harremanetan jarri zaitezke.